LI BLANKE DAME			RONDEL

Li nîvâye, come on blanc mantea
So nosse tere a toumé cisse nut
Flotche a flotche, èt dispôy mèye-nut
Ricovrant tot, del veye ås bwes.

Li froed vint d' fevrî ås ônès,
mete des dinteles di glaece tot nut.
Li nîvâye come on blanc mantea
So nosse tere a toumé cisse nut.

Catchîz-ve mamés pitits oûjheas
Dizos l' éle di vosse mere, pol nut,
doirmez, dimwin èt l' djoû ki shût
tot avå l' Årdene on voerèt
Li nîvâye, come on blanc mantea

1981 - Gabrielle