Cwitans nosse viyaedje
Avou des grands saetchs.
Nos rvénrans tcherdjîs,
Tot d' ôr rabiyîs.
Taijhe-tu cwand dj' î pinse,
Dji piede pacyince.
Dji nos voe ritchåds,
Vweteures et tchivås.

Ci n' est nén mistere:
Tot fougnant e tere,
Ti chipeles di l' ôr,
Ti troves on trézôr!
So totes les gazetes,
On nel vout nén mete:
I gn åreuve di trop
Po-z avu l' magot.

Abeye, fijhans nosse paket!
Evoye, Minike, po l' Amerike!

Les afaires sont bones,
I påte des måjhones:
Maçons, boledjîs,
Gn a nouk k' est rovyî.
C' est ene comeleye
Di bateas, d' tchår saleye.
Vraiy, ti bagnes dins tot,
T' as d' l' ôr djusk' å djnos.

El Californeye,
Li feume est djoleye;
I lzî fåt des blancs
Tertotes po galants.
Do côp ki t' arives,
gn a one ki t' agrife
Et si t' es di s' gout,
T' as tot çki ti vous.

Abeye, fijhans nosse paket!
Evoye, Minike, mostrans do toupet!