Dji so bén (Compost binde) ========== L' solea rlût a sketer mins pa dzo m' parasol I n' tchåfrè nén m' pastisse et m' botaye di Bandol Dji so bén... a n' rén fé, dji so bén... sins bouter Minme si fåt pwinter dmwin, Dji n' m' è fwais nén... Dji so bén! A shijh eures å matén, dji leye m' rewoeye souner Djusse po-z awè l' plaijhi d' dmorer coûtchî dins m' lét Dji so bén... ripoizé, dji n' so nén... minme djinné D' sawè m' feme å turbin po ki dj' fouxhe bén... Et dj' so bén! Mins n' fåt nén croere ki c' est di m' fåte Ki tos les djoûs å cåbaret, dji m' va djouwer des pårts ås cåtes, vudant sacwants lites di peket Dji m' mostere po les eleccions Cwand dj' srè mayeur dj' årè des ronds P'tete minme del consideråcion I n' fåt pont d' cwålificåcion Po esse inscrît come tiesse di lisse, C' est co mia si t' as sacwants vices I gn a des voleurs ki sont minisses! Dji fwai l' djårdén e noer d' on vî ome prin å keur Dj' lyi a ddja fé siner s' testamint e m' faveur Dji so bén... assuré, dj' serè bén... pinsioné Et si dmande on côp d' mwin po mori dmwin... Dji vou bén! Dji n' a pont d' tchén, dji n' a pont d' tchet I gn a pont d' djonnes padzo nosse toet Totes ces biesse la, ça mougne do pwin Padzeu l' martchî, ça n' rapoite rén On a cwand minme reprind l' bele-mere K' a stî operêye ås ovaires, Ele ni boet ki do tene bouyon Mins c' est mi ki toutche si pinsion! Dji m' a doné des mås Po esse ureus dins m' veye Et dj' a les djins a dos, tot ça pa djalosreye Dji so bén... et dj' m' è fou, des vijhéns... des djalots I n' seront nén invités... a vni dinner.... Dji n' so nén målureus... d' viker tot seu... C' est tos des profiteus... et sins bribeus.... Dji so bén...