Les Blankès Dames et les Macrales, Di Cir mousseyes so l' aile do Vint, Volèt dvins l' Nute ås Stoeles d' årdjint... Leu tchanson rmouwe minme l' åme do Diâle, Pus bele ki l' cisse do Råskignou, C' est ene tchanson ki rind bablou... Blankès Dames et Macrales Blankès Dames et Macrales... Ele fjhèt sogne ås efants Avou l' coir sins-ombion... Vos passez tot tuzant: "Est çu on sondje ou ene vuzion ?" Schoûtez! Blankès Dames et Macrales... Ele dansèt tot blawtant Come djowions del Fôrteune... Divins l' clårté del Leune, Ele dansèt tot tchantant... Schoûtez! Les Blankès Dames et les Macrales Sont des Andjes ås ouys di houprale... Li veye est doûce, vos fjhoz des dorés sondjes... Li tinrûle tchanson vs mete li cour e liesse... Dizo les Stoeles, ledjire come les arondjes Et les Macrales so leus ramons di djniesse, Ele vis epoite avå l' vint Avou les fistous di strin...