Li bea bouket (Nicolas Bosret, 1856)
=============

Respleu:

C' est dmwin li djoû di m' mariaedje,
Aprestez, aprestez tos vos boukets,
vos les metroz å coirsaedje
Des båsheles di nosse banket.
Mins c' est l' minne li pus djoleye
Ossi vraiymint dji m' rafeye
Di lyi doner li bouket
Elle årè li bea bouket

Ç' a stî ene sacwè d' drole,
L' ôte feye, dj' aveve ene crole;
Tot aspouyî,
Dj' aleve sokî;
L' amor vént m' reweyî.

C' esteve mi ptite Mareye
Come elle esteve djoleye!
Kén ambara
Ç' a stî ç' djoû la
Ki dj' a siné l' contrat.

Adiè totes mes foleyes,
Dj' intere dins l' cofréreye,
C' est al åté
Ki dj' va djurer
Amor, fidelité.

C' est dmwin k' dji m' boute a piece.
Adiè tote li djonnesse.
Po comincî,
Dji m' va saetchî
Al coide, a tot spiyî.