Li trin des 3 valêyes (Compost Binde)
=====================
A shijh ans, Sint Nicolai m' a apoirté
On magnifike trin electrike
Dji n' a jamwais seu bråmint e profiter
C' est m' popa ki l' a sketé.
Vir el trin a wapeur traversant les plinnes
Ça m' a peté ene durite.
Dj' asinti broker å ddins d' mi
L' biesse uminne!
Dj' è so seur li trin m' abite

Rifrin:
Abeye dins l' vagon,
M' machine so pression
Les tikets n' s' prèn' nén
å dierin moumint.
Nén t' tiesse pa l' finiesse
N' foume nén dvant shijh gåres
Pont d' tchesse sins vitesse
'Tincion å depårt!!!

Cwand dj' end etind ki s' foutnut des tchîfs di gåre,
Dji doe m' rastinre bén foirt.
Po n' nén lzî risclatchî scwants verités
Ki fwaiynut si må al firté
Kécfeye vraiy ki dins l' tas, i gn a sacwants cocus,
Mins zels å moens, i l' savnut!
Ké bouneur d' esse payî po rwaitî les trins
I n' a k' les vatches ki l' savnut bén!

(rifrin)

Dj' a tchoezi m' feme pask' ele s' apele Micheline
Eyet pask' ele demare "clean"!
Li djoû d' mes noices,
T' åreus veyou m' fleche, man,
Li prumî côp k' ele mi lima!
On côp k' dj' esteu e trin avou leye padrî l' håye
Vola m' djoueff ki disraye
Dji lyi di: "Love me tèndèr et léche mi now,
On rcominçrè si vos vloz co!!!"