E m' djîsse! Cwand, après djournêye fwaite, dji rintere el couleye Et k' åtoû d' mi cpagneye dji rtrove mi ptite niyeye, Dji roveye ki por zels dj' a dvou des eures durant Ovrer, trimer timpesse po ls î wangnî leu pan. Mi djoye delzè rveyî fwait ctchessî mes mås d' tiesse, Mi front n' est pus pleutrî cwand dji m' sins dvins leus bresses, Les poennes et les histous s' enairèt come å vint Al doûceur d' ene caresse m' ewalpant tinrûlmint. Mi pus grand rafiya c' est d' oyî leus messaedjes... Et leus mamés riyas m' avize on gruzinaedje. Ossu, bén pus ureus k' impreur e s' palå, Dji n' denreu nén m' boneur pol forteune d' on ritchåd. Et cwand l' eure di nåner lezî clôt leus påpires, Dji dmande li gråce a diu divins ene dierinne priyire: K' i porshuvexhe leu voye oniesse, virlixhe et foirt Po ki dj' ende våye påjhûle cwand vinrè l' eure di m' moirt. José Kirkove (Hesta) 65inme annuaire "LE ROYALE CAVEAU LIEGEOIS". [adaptaedje e rfondou walon pa Pablo Saratxaga]